Python proqramlaşdırma dili ilə ilk tanışlığım universitet zamanlarıma təsadüf edib, lakin ilk başlarda bu dil haqqında çox az məlumata sahib idim. Amma zaman keçdikcə düşündüm ki, daha detallı məlumat əldə edə biləcəyim və mənə kodu sevdirəcəyim bir mühit tapmalıyam. Və beləliklə, Codelandia Proqramlaşdırma Mərkəzi ilə tanış oldum. Bu dili öyrənmə səbəbim python ilə kod yazmaq daha asan və maraqlıdır. Sintaksisi sadə olduğu üçün kiçik kodla böyük işlər görə və yazdığımız kodları təkrar-təkrar istifadə edə bilirik. Python ilə təkrarlığa asanlıqla yol verərək yazdığımız funksiya və ya siniflərdən istifadə etməklə mürəkkəbliyi minimuma endirə bilərik. Beləliklə, layihə böyüsə belə, nəyi və harada istifadə etdiyimizi bildiyimiz üçün kodlara müdaxilə etmək bizim üçün daha asan olur.

Kursa yeni başladığım zamanlarda yaranan “error”ların səbəbini müəllimimizdən soruşanda bizə sadəcə "bol-bol araşdırma et" deyirdi və bu bizim  üçün çox yorucu və sıxıcı gəlirdi, həm də heç xoşumuza gəlmirdi. Ancaq zaman keçdikcə anladım ki, həqiqətən araşdırma qabiliyyətinin inkişaf etdiyini gördükcə daha çox şey öyrənmək və ən çətin “error”lara belə hazırlıqlı olursan və cavab tapmaq çox daha asan olur. Artıq “error”un səbəbini tapmaq sevindiricidir və əyləncəli bir ana çevrilir.

Özümü hər zaman gələcəyin uğurlu devoleperi olaraq xəyal edirəm və buda məni kod yazarkən çox ilhamlandırır və buna nail olmaq üçün hər zaman ən yaxşısını etməyə çalışıram. Öyrənmə prosesində öyrəndiyim yeni biliklər, maraqlı təcrübələr, yaranan fərqli problemlər məni hər zaman həyəcanlandırır. Bu da mənim üçün əsl motivasiya mənbəyidir.  Çalışdığım qədər gündəlik tasklarımda kod yazarkən həll etməli olduğum problemlərə diqqətimi cəmləyirəm və bu problemləri həll etmək üçün əlimdən gələni etmək məni həvəsləndirir və kreativ fikirlər yaratmağıma səbəb olur. Daha sonra digər motivasiya mənbəyim isə kod yazmaqda ustalaşmış insanların yaratdığı kod nümunələridir. Çünki onların uğuları məni həvəsləndirən faktorlardan biri olmuşdur.